САД го издадоа првиот пасош со ознака за пол X
Во САД е издаден првиот американски пасош „Х“ (икс) кој нема да го идентификува сопственикот како маж или жена, а се планира оваа опција за неутрален пол да им се овозможи на сите апликанти за патната исправа од следната година, соопшти Стејт департментот.
– Со нетрпение очекуваме да им ја понудиме оваа опција на сите апликанти за пасоши откако ќе ги завршиме потребните ажурирања на системот и формуларите на почетокот на 2022 година, наведе во соопштение портпаролот на Стејт департментот Нед Прајс.
Покрај пасошите, ознаката X ќе биде достапна во сите конзуларни извештаи за раѓање во странство (CRBA) – потег што веројатно ќе им овозможи на родителите да изберат родово неутрална ознака за новороденчињата, додаде официјалниот претставник.
Според Прајс, промената на политиката има за цел „подобро да им служи на сите граѓани на САД, без оглед на нивниот родов идентитет“.
„По повод издавањето на овој пасош, би сакал да ја повторам посветеноста на Стејт департментот за промовирање на слободата, достоинството и еднаквоста на сите луѓе – вклучително и ЛГБТ луѓето.
Според соопштението, ознаката ќе се применува за небинарни, интерсексуални и полово неидентификувани лица кои аплицираат за американски пасош или CRBA.
Ново на Сител
-
Лишени од слобода две лица од Марена, во „мерцедес“ носеле огревни дрва без документи
-
Уапсен гостиварчанец, возел со 3,05 промили алкохол во крвта
-
На Инфективна починал 69-годишен пациент поради компликации од грип
-
Во Србија разгледуваат скратување на училишниот час на 30 минути поради намалено внимание на децата
-
Холандија предупредува: Царините на Трамп за Гренланд би можеле да го распаднат НАТО
-
ЕХФ ЕУРО 2026: Македонските ракометари на мегдан против Португалија
-
АХВ со вонредни контроли во маркети и хипермаркети
-
Затвореници во Гватемала преземаа контрола врз три затвори, држат 46 лица како заложници
