Самостојна изложба на Сергеј Андреевски во Гостивар
Во галеријата „Култ“ во Гостивар вечер ќе биде отворена самостојна изложба на македонскиот ликовен уметник Сергеј Андреевски, која содржи 25 слики на платно, избор на најрепрезентативните дела од последните циклуси на Андреевски: „Птици“, „Цвеќулиња“ и „Кучиња“.
Изложбата ја организира здружението на ликовни уметници од Гостивар „Драудакум“, а ќе ја отвори Решат Амети, професор на Ликовната академија на Универзитетот во Тетово, кој е и иницијатор на ова претставување на Андреевски.
Амети во каталогот за изложбата, меѓу другото, пишува: „Колоритот на Сергеј Андреевски е богат и силен и циркулира низ целиот простор на платното, како вени кои оживуваат определени познати асоцијативни визуелности. Во целина, неговото сликарско дело има некоја привлечна магија, како некоја невидлива гравитациона визуелна сила која ги привлекува не само визуелната перцепција, туку и други духовни сетила, имагинации ... Едноставно, силината на ликовниот уметник е во неговиот оригинален јазик, во неговото сопствено сликарско его и ликовна вистина, а вистината на сликарството на Сергеј е неговата оригинална сликарска моќ“.
Изложбата на Андреевски во галеријата „Култ“ во Гостивар ќе биде отворена во наредните две недели.
Ново на Сител
-
Во сообраќајка кај Струга повредени четири лица, од кои тројца се полицајци
-
По апсењето на градоначалникот на Тирана, опозицијата бара оставка на Рама
-
Владата на Србија тврди дека ги исполнила сите барања на студентите
-
За градоначалникот на Тирана, затворски, за сопругата, која е надвор од земјата, куќен притвор
-
Трамп: Палестинците ќе добијат нови домови, но не во Газа
-
Пожар во куќа во скопско Нерези
-
Во Центар три лица влегле во соблекувалните на спа центар, празнеле паричници
-
Владата утре се очекува да разговара за цените на прехранбените производи