Сан Антонио го победи Портланд во првиот натпревар од плејофот, Вембањама постигна 35 поени

Сан Антонио го победи Портланд со 111:98 дома во првиот натпревар од првото коло од плејофот на НБА.

За Спарс, центарот Виктор Вембањама постигна 35 поени, додека Стефон Касл и Де’Арон Фокс имаа по 17. 

Во гостинскиот тим се истакнаа Дени Авдија со 30 поени и 10 скока и Скут Хендерсон со 18 поени.

Сан Антонио поведе со 1:0 во серијата прв до четири победи. Вториот натпревар ќе се игра на 22 април.

На другиот натпревар од 1/8финалето на НБА-плејофот одигран ноќта недела кон понеделник, Орландо го совлада Детроит со 112:101. 

МИА