СДСМ: Мицкоски и ВМРО-ДПМНЕ да најдат решение за хаосот што го создадоа во Скопје
Делумното повлекување на блокадата не значи и решение на хаосот во Скопје што го создаде ВМРО-ДПМНЕ.
Граѓаните на Скопје живеат во заглавен град, со колабиран јавен превоз, целодневен сообраќаен метеж.
Голем дел од средношколците и студентите пропуштија сериозен фонд на часови затоа што не успеваа навреме да се пробијат низ блокадите на ВМРО-ДПМНЕ.
Многу родители не успеваа навреме да ги однесат своите дечиња во градинките каде што времето за прием е строго утврдено.
Штета трпат и лицата кои не успеваа навреме да стигнат на медицински прегледи, контроли и интервенции.
Стотици илјади граѓани трпат штети поради кавгата на Мицкоски со Арсовска, заради тендери, провизии и раце во медот.
Градоначалничката, претседателот на Советот, мнозинството во Советот на Град Скопје, директорите и членовите на управните одбори на јавните претпријатија во Скопје сите се кадри на ВМРО-ДПМНЕ.
Наместо да ја префрлаат кавгата низ улиците во Скопје и да се изживуваат врз граѓаните имаат обврска да седнат и да најдат решение за проблемот.
Арсовска, Мицкоски и ВМРО-ДПМНЕ прво мора да им се извинат на граѓаните за штетите што ги предизвикаа, а потоа да најдат решение за проблемот што го создадоа и да го ослободат и Скопје, но и државата од блокади и хаос.
Доста беше изживување врз граѓаните, врз работниците, врз учениците , студентите и пензионерите.
Центар за комуникации со јавноста
Ново на Сител
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија