СДСМ: Мицкоски ја лажеше јавноста дека струјата ќе поскапи за 30 до 40 отсто, денеска таа лага му падна во вода

Со месеци Христијан Мицкоски ја лажеше и плашеше јавноста дека цената на струјата за домаќинствата ќе се покачи помеѓу 30 и 40 отсто и предвидуваше апокалиптични сценарија.

Денеска, со одлуката на Регулаторната комисија за енергетика цената на струјата ќе се зголеми за 9,48 отсто што е три до четири пати помалку од лагите на Мицкоски и ВМРО-ДПМНЕ.

СДСМ со навремено преземени чекори во енергетиката, успеа да го заштити стандардот на граѓаните.

Со активирањето на сите капацитети, зголеменото производство на домашна електрична енергија, државата не дозволи поскапувањето на електричната енергија да биде драстично и да создаде ценовен шок.

Државата презема обврска да им помогне на најранливите категории граѓани преку финансиска помош, односно преку ваучери за сметки за електрична енергија да бидат помогнати над 45.000 граѓани.

Граѓаните да бидат спокојни, СДСМ, институциите се тука за да го заштитат и унапредат нивниот животен стандард без разлика на глобалните енергетски предизвици.

Центар за комуникации со јавност на СДСМ