СДСМ: На Мицкоски му е важно само да ги одбрани криминалците

На Христијан Мицкоски му е важно само да ги одбрани криминалците од редовите на ВМРО-ДПМНЕ, нему не му се важни ни граѓаните, ни правдата па дури ни членовите на неговата партија, соопшти денеска владејачката СДСМ.

-Наместо Мицкоски прв да повика на брза разрешница на предметот „Плацовите на Водно“, во кој тајкунот на режимот Орце Камчев, заедно со Никола Груевски и Сашо Мијалков се товари за наводна злоупотреба на 1,3 милиони евра пари од донации за ВМРО-ДПМНЕ, тој на Камчев му го додели првиот човек на правната комисија на ВМРО-ДПМНЕ, Тони Менкиновски како бранител.

На губитникот Христијан Мицкоски, поважен му е Орце Камчев, отколку парите од партиската каса, парите на членовите на ВМРО-ДПМНЕ, кои Груевски ги искористил за купување на плацови од десетици илјади квадратни метри на Водно, се вели во дописот.

Според СДСМ, очигледно големи хипотеките биле на Мицкоски кон Камчев, па затоа опозицијата била прва која му помагала.

-Но неуспешно. Мицкоски е осамен на браникот на криминалот. Затоа изгубен во своите фрустрации опструира и блокира се што е во интерес на граѓаните и државата. Затоа е во опозиција, шест пати по ред поразен од граѓаните, се вели во соопштението.