СДСМ: Раст на просечната плата од 10 отсто

Официјалните податоци говорат дека просечната плата за месец април 2021 година изнесува 28.438 денари. Тоа е раст од 10,1 отсто во однос на истиот месец 2020 година.

 

Во услови на светска економска и здравствена криза, платите не стагнираа, туку продолжија да растат.

 

Тоа само ја потврдува успешноста и навременоста на антикризните мерки и одговорните економски политики на Владата предводена од СДСМ. Градиме силна, стабилна, динамична економија и можности за забрзан економски раст преку реални, остварливи проекти.

 

Како владејачка партија нашата цел е да го оствариме даденото ветување пред граѓаните, за минимална плата од 18.000 и просечна плата од 36.000 денари до крајот на овој мандат.

 

Тоа и ќе го оствариме. Во овие четири години покажавме дека за нас, зборот е збор и тоа ќе го потврдиме и во иднина.