СДСМ: Реализирано ветувањето за дневната евтина тарифа, повеќе пари во семејните буџети

Домаќинствата од денеска може да користат евтина тарифа на струјата секој ден од 14-16 часот, како и од 22 часот во сабота до 7 часот во понеделник. Ова значи пониски сметки за електрична енергија и повеќе пари во семејните буџети. Со ова, како што потенцираат од СДСМ, е реализирано уште едно од ветувањата од Програмата за живот.

- Граѓаните ги ползуваат придобивките од одговорното, отчетно и домаќинско работење на Владата предводена од СДСМ којашто за неколку месеци оствари клучни ветувања од Програмата за живот со што се решија долгогодишни проблеми на различни категории граѓани и се обезбедија повеќе пари за домаќинствата, се вели во соопштението од СДСМ.

Од партијата потсетуваат дека е укината и радиодифузната такса со што, велат, дополнително се намалуваат трошоците за живот и остануваат повеќе пари кај граѓаните.

Најавуваат дека Владата предводена од СДСМ ќе продолжи со одговорно, домаќинско и транспарентно работење што треба да обезбеди можности за сите и повеќе пари кај граѓаните.

- По заокружувањето на промените на локалните избори, таквиот пристап во работата продолжува и на локално ниво кога новите општински администрации предводени од СДСМ ќе работат одговорно и во интерес на сите граѓани, истакнуваат од партијата.