СДСМ: ВМРО-ДПМНЕ ги потценува домашните фирми

Никола Груевски безобразно продолжи да лаже за странски инвестиции и да ги потценува домашните претпријатија.

 

Малку е што власта на Груевски со години ги понижува домашните фирми со само 120 денари државна помош годишно!

 

Малку е што од штетните политики на неговата власт се затворени најмалку 10.000 домашни фирми!

 

Денеска Груевски им порача на домашните претпријатија дека треба да бидат среќни што зависат од странски инвеститори чиј број наводно се зголемувал?!

 

Се зголемува бројот на странски инвеститори, но на оние кои Груевски ги најавуваше и никогаш нема да дојдат. И на оние кои дојдоа, искористија што можеа од парите на граѓаните и си заминаа. Македонија е на дното во регионот по директни странски инвестиции со 122,92 милиони евра во 2016 година! Тоа е реалноста.

 

По промените во декември, домашните микро, мали и средни претпријатија ќе станат столб на економијата во Македонија. Ќе добиваат државна помош од 20 до 50 милиони евра. Ќе можат да работат стабилно, да се развиваат и да отворат нови работни места. Просечната плата на работниците да биде 30.000 денари. Странските инвеститори ќе бидат дополнување на домашните претпријатија а не нивна замена. И ќе бидат реални. Јавно ќе објавиме список за нив.

 

Доцна е за Груевски и неговата власт. Доаѓа одговорна влада која ќе одговори на потребите на граѓаните.