СДСМ: ВМРО-ДПМНЕ намерно шири лажни вести и шпекулации во обид да му наштети на образовниот процес
ВМРО-ДПМНЕ, партијата која 11 години свесно и намерно го урнисуваше образованието денес како опозиција шири лажни вести и измислици со цел да ги дискредитира реформите кои го унапредуваат образовниот систем.
Класична лажна вест на ВМРО-ДПМНЕ е дека десет отсто од учениците во новата учебна година ќе останеле без учебници.
Ниту еден ученик нема да остане без учебник, како што лаже ВМРО-ДПМНЕ во обид да внесе немир кај родителите и учениците.
Како што јавно објави Министерството за образование и наука од наредната учебна година ќе се применува комбиниран начин на учење, односно за учениците од прво до трето одделение ќе се обезбедуваат хартиени учебници, додека за учениците од четврто и погорните одделенија се обезбедуваат дигитални учебници како прва опција.
Во случај некој ученик да има потреба од печатен учебник, училиштето каде посетува настава има обврска тоа да го обезбеди, а истовремено, секое училиште ќе има обврска да ги обезбеди потребната количина ИТ уреди.
ВМРО-ДПМНЕ се дрзнува да обвинува за дискриминација и социјална поделба на ученици, токму партијата, која со години ги дискриминираше учениците и наставниот кадар и системски го уништуваше образованието.
Преку новиот Закон за учебници се елиминираат нелогичностите во содржините кои ВМРО-ДПМНЕ со децении ги дозволуваше и така уништуваше генерации на ученици.
ВМРО-ДПМНЕ не може да се помири што денес образованието се модернизира, се адаптира на новите можности, па затоа постојано шири лажни вести и шпекулации околу образованието.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден