СДСМ: ВМРО-ДПМНЕ свесно во Собранието кочи важни законски решенија, на штета на граѓаните и на државата

Пратениците од ВМРО-ДПМНЕ, свесно и намерно со месеци во Собранието кочат важни законски решенија на штета на граѓаните и на државата.

Како што претходно беа против зголемување на минималната плата, против раст на пензиите, денес пратениците на ВМРО-ДПМНЕ се против тоа парите да завршуваат кај граѓаните и во македонската економија.

Поради нивната деструктивност и неодговорност закочена е постапката за изградба на нов Клинички центар во Скопје, најважен капитален проект за македонското здравство.

ВМРО-ДПМНЕ го кочи и законот за унапредување на енергетската ефикасност, со кој детски градинки, училишта и болници треба да добијат енергетски ефикасни фасади и нови, еколошки системи за греење.

Опозициската партија е против главниот град да добие нов ефикасен и еколошки јавен транспорт, против унапредување на земјоделството и изградба на три големи откупни центри.

Граѓаните, го гледаат таквиот антинароден и антидржавен однос на опозициската партија и затоа на локалните избори им следи нов седми изборен пораз за четири години.