Се мијат јавните сообраќајни површини во Скопје
Јавното претпријатие „Комунална хигиена“-Скопје има надлежност и механизација за чистење на јавните сообраќајни површини, односно одржување на хигиената-метење, миење и празнење на корпите за отпадоци.
Директорот на „Комунална хигиена“ - Скопје Абдусамед Шабани за МИА изјави дека располагаат со осум автоцистерни за машинско миење на улиците.
- Машинското миење со автоцистерни се извршува сезонски, од 1 април до 30 октомври бидејќи во зимскиот период постои опасност од подмрзнување на улиците. „Комунална хигиена“ има надлежност машинското миење со автоцистерни да го извршува само на главните сообраќајници и булевари. Миењето се спроведува во првата и во третата смена, односно или во раните утрински или во доцните вечерни часови, кога нема голема фреквенција на пешаци и автомобили, изјави директорот Шабани.
Чистењето на јавните сообраќајни површини се врши во зависност од густината на населението, фреквенција на луѓе и моторни возила, степен на нечистотија, инфраструктурни сообраќајни услови и начинот на однесување на граѓаните во урбаната средина. За миење на улиците „Комунална хигиена“ користи техничка вода.
Ново на Сител
-
Велика сабота - ден пред Велигден
-
Тема на денот со Христијан Мицкоски, претседател на ВМРО-ДПМНЕ
-
Велика сабота - ден пред Велигден
-
Македонија одбележува 121 година од смртта на Гоце Делчев
-
Велика сабота - ден пред Велигден
-
Димитар Апасиев за изборната програма и ветувањата на Левица
-
Велигденската трпеза годинава поскапа од лани
-
Охрид полн со гости