Се подобрува енергетска ефикасност на зградите во центрот на Куманово
Во дел од станбените единици во Куманово почна реализацијата на проектот за енергетска ефикасност што го спроведуваат станарите и општината во соработка со Хабитат, соопшти денеска раководителот на Секторот за меѓународна соработка Горан Митевски, задолжен за спроведување на проектот во кој се вклучени 12 станбени единици од централното градско подрачје.
- Фактичка реализација има во осмокатницата во строгиот центар на Куманово на градскиот плоштад, каде веќе се менува столаријата. Со подобрување на временските услови треба да се отпочне со менување на фасадата, најави Митевски.
На јавниот повик кој претходно го објави општината се пријавија 12 станбени единици кои се поделени во неколку групи, според бројот на куќните совети. Согласно одлуката на одредени куќни совети, како и поради практичната реализација и естетско-визулениот ефект, појасни Митевски, добар дел од влезовите се согласиле заеднички да се вклучат во проектот. Во него, појасни, треба да се вклучат и сопствениците на деловните објекти кои поседуваат дуќани во зградите.
Митевски посочи и позитивен пример на познат супермаркет од Македонија кој директно се вклучил во проектот заедно со станарите и апелираше до останатите сопственици на деловните единици да размислат и да се вклучат во проектот.
- Зградите кои се јавија на повикот објавен од општината се стари и по неколку децении. Самите станари и управителите го избираат понудувачот за промена на столаријата, покривната конструкција и фасадата. Услов е да се почитува архитектонскиот израз на проектантите, можно е да се направат одредени проемни во бојата на фасадата, но и таа не треба да отстапува значајно од усогласеноста со останатите објекти лоцирани во централното градско подрачје, прецизира Митевски.
Ново на Сител
-
Нa Табановце и Богородица за излез од земјава се чека 30 минути
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари