Се зголемува бројот на загинати од синоќешното невреме

Дваесет лица се загинати, од кои за 13 е завршена идентификацијата и се предадени на семејствата, беше соопштено по денешниот состанок на Управувачкиот комитет за справување со кризи. 

Во невремето синоќа најмногу беа погодени Стајковци, Сингелиќ, Смилковци и Арачиново, каде се најдени жртвите, а  пријавени се и големи штети – срушени и поплавени куќи и возила.

Во Скопско и Тетовско, кои беа најмногу погодени од невремето, ќе биде прогласена кризна состојба во наредните 15 дена. Формиран е кризен штаб, а екипи ќе ги проценуваат штетите на терен.