Седници на две собраниски комисии
Во Собранието денеска седници ќе одржат Комисијата за економски прашања и Законодавно-правната комисија.
Членовите на Комисијата за економски прашања треба да ги разгледаат Предлог-законот за изменување и дополнување на Законот за основање на Агенција за енергетика на Република Македонија и Предлог-закон за задругите, и двата во второ читање.
На дневен ред е и Финансискиот план на Регулаторната комисија за енергетика и водни услуги на Република Северна Македонија за 2023 година и Предлог-одлуката за утврдување на процентот на искористеност во однос на вкупниот годишен приход, за финансирање на работењето на Регулаторната комисија за енергетика и водостопанство на Република Северна Македонија за 2023 година.
Законодавно-правната комисија ќе одржи две седници, 167-та и 179-та седница.
На дневен ред на 167-та седница е Барањето за давање на автентично толкување на член 62-а став 1 од Законот за градење, поднесено од градоначалникот на Општина Центар.
На дневен ред на 179-та седница се Предлог-законот за задругите и Предлог-законот за изменување и дополнување на Законот за основање на Агенција за енергетика на Република Македонија, и двата во второ читање.
Членовите на Законодавно-правната комисија треба да разгледаат и повеќе закони за ратификација на договори, меѓу кои и Предлог-законот за ратификација на Договорот за слобода на движење со лични карти за Западен Балкан.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден