СЕХА Ф4: Вардар - Загреб полуфинале бр.4

Ракометарите на Вардар и на Загреб попладнево во Брест по четврти пат ќе играат меѓусебе во полуфиналето на завршните турнири од СЕХА лигата, инаку имаат одиграно уште два натпревара (едно финале и еден дуел за трето место). Македонскиот шампион Вардар има три победи во полуфиналните натпревари (на сите дуели), додека Загреб има две победи (финалето 2013 и дуелот за третото место 2015). Ова се единствените два тима кои учествувале на сите шест завршни турнири сметајќи го и годинашниов.

Дуелот Вардар – Загреб е првото полуфинале на Ф4 турнирот во Брест и почнува во 17:30 часот, додека во второто полуфинале ќе играат шампионот Веспрем и домаќинот Мешков Брест. Почетокот на овој натпревар е во 20 часот.

Титулата ја брани унгарскиот првак Веспрем, додека Вардар натпреварите од регуларниот дел на шампионатот ги заврши како првопласиран.