СЕХА: Вардар со победа над Татран остана лидер

Ракометарите на Вардар остварија победа на гостувањето во Словачка кај Татран Прешов со 28:27 и со тоа го задржаа првото место во СЕХА лигата. Во неизвесна завршница „вардарци“ стигнаа до триумф и три бодови. Вардар на полувреме водеше со 15:14, а во вториот дел македонскиот првак водеше и со четири голови разлика 19:15. Но домаќинот Татран успеа да изедначи на 22:22 и до 54.минута двете екипи се менуваа во водството. Лука Циндиќ и Сергеј Горбок со по 6 голови беа најпрецизни за Вардар, додека Мијајло Марсениќ постигна четири голови без промашување во клучните моменти.

Табела: Вардар 31 бод, ППД Загреб 27, Татран Прешов 27, Веспрем 25, Мешков Брест 21, Нексе 18, Војводина 11, Борац 10, Спартак 7, Макс Струмица 2.