Семејна драма во Црниче со трагичен епилог: Син го избоде својот татко
Крвава семејна драма се случувала синоќа на улицата „Чедомир Кантарџиев“ во Скопје, кога син со остар предмет до смрт го избодел својот татко.
Од полицијата информираат дека случајот кај нив е пријавен во 22 часот и 15 минути од страна на сосетката која слушнала како нејзините соседи се тепаат, но и бараат помош.
Полициски екипи излегле на местото на настанот, при што е констатирано дека имало семејна расправија помеѓу 68-годишниот Љ.Т. и неговиот син, 41-годишниот И.Т. Полицијата, таткото го пронашла како лежи со убодни рани, а смртта била констатирана од лекар од Итна медицинска помош.
Сведок на крвавиот настан била сопругата на убиениот маж. Таа рекла дека додека со Љ.Т. седеле во дневната соба, дошол синот кој ја скршил влезната врата, влегол внатре, по што неа ја избркал од собата и започнал татка си да го влече. Набрзо потоа му нанел неколку убодни рани со остар предмет, по што избегал.
Во текот на ноќта, синот се јавил во Ургентниот центар за укажување лекарска помош поради расекотина која ја имал на левата рака, по што бил приведен од страна на полицијата.
Врз телото на починатиот ќе биде извршена обдукција, а се преземаат мерки за целосно расчистување на убиството.
Ново на Сител
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна
-
ЦУК: Поплавени подруми и гаража во охридско од поројниот дожд
-
Путин одржа состанок за поплавите и пожарите во Русија
-
Украинското воздухопловство ги соборило сите 37 дронови лансирани од Русија
-
Израелската војска соопшти дека пронашла тело на уште еден заложник во Појасот Газа
-
Најмногу дожд во Охрид во изминатите 24 часа
-
Украина побарала помош од САД за напади на територијата на Русија