Семејството на Ѓорѓе Балашевиќ нема да ја одбележи годишнината од неговата смрт
Во пресрет на годишнината од смртта на еден од најпознатите музичари на овие простори, Ѓорѓе Балашевиќ, неговата ќерка Јелена – Беба Балашевиќ се огласи на Фејсбук и објасни зошто семејството нема да ја одбележи годишнината од неговата смрт.
„Прославувањето на денот кога ’Некој Твој‘ си заминал од овој свет не е нешто што некогаш се практикувало во нашата куќа. Не поради ’непочит‘, туку токму спротивното. Се сеќавате на тој ’Некој‘ секој ден, го сретнувате во безброј мали дневни настани – улицата по којашто минуваш, песната што сте ја коментирале, спортски настан, средба со заеднички ликови… И не, не ти треба тој датум во годината за да го одбележиш тој некој, за да го прославиш тој ден“, пишува Јелена.
Ѓорѓе Балашевиќ почина лани на 19 февруари на 67-годишна возраст во Нови Сад. Ќерка му додава дека оние кои го слушале и го разбрале Ѓоле, ќе се сетат дека „оваа неизбежност“ во негов стил ја нарече – „формалност што треба да ја завршам“ и оти ќе има посоодветни денови за прослава.
„Што се однесува до мене, колку и да звучи грубо, оние кои избраа да го одбележат тој датум од сиот тој живот и неговото безвременско дело, не го разбрале Ѓоле. Не ме прашувајте од каде знам…“, заклучи таа.
Многумина ги поддржаа нејзините коментари и се согласија дека таа напишала сè што треба.
Ново на Сител
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот
-
МВР: 223 возачи казнети за брзо возење