Серија А: Квадрадо донесе победа за Јувентус над Интер

Актуелниот италијански фудбалски шампион Јувентус синоќа на свој терен го победи Интер со 1:0 и направи голем исчекор кон одбрана на Скудетото.

 

Дербито во Торино го реши колумбискиот интернационалец Квадрадо со голот во 45. минута од средбата.

 

За „Старата дама“ ова беше 18.победа сезонава, додека Интер го претрпе првиот пораз по седумте победи во низа.

 

Од Македонците кои настапуваат во Серија А, Илија Несторовски со деветтиот свој погодок му донесе триумф на Палермо над Кротоне (1:0), на овој дуел за победничката екипа настапи и Александар Трајковски, додека Горан Пандев одигра 68 минути во поразот на Џенова од Сасуоло.

 

Јувентус е лидер на табелата со 54 бода, шест повеќе и натпревар помалку од второпласираниот Наполи, додека на третото место е Рома со 47 бода. Лацио е четврти со 43 бода, Интер е на 5.место со 42 колку што има и шесто пласираната Аталанта.