Серијалот „Седумте сестри“ најчитани книги во битолската Градска библиотека
Серијалот „Седумте сестри“ на светски познатата Лусинда Рајли се најбараните книги во битолската Градска библиотека, додека пак најмладите читатели зимскиот распуст го минуваат со книгите за Хари Потер.
Од НУ Универзитетска библиотека „Св.Климент Охридски“, меѓу битолчани позната како Градска библиотека, информираат дека за време на новогодишно-божиќните празници евидентиран е голем интерес за изнајмување на книги, а очекуваат така да биде и во наредните денови.
-Во Библиотеката имаме околу три илјади активни читатели од сите возрасти, а најголем дел од нив се млади битолчани, односно 1.060 основци, над 750 средношколци и други читатели. Посебно се радуваме кога зачленуваме деца од предучилишно образование, а такви во моментов имаме 98 кои искрено сакаат времето да го поминат со книга во рака. Се бараат сите жанрови, а оваа зима хит книги се серијалот „Седумте сестри“ на авторот Лусинда Рајли и книгите за Хари Потер, информираа од Битолската градска библиотека.
Фондот на НУ Универзитетска библиотека „Св.Климент Охридски“ – Битола е во постојан пораст, а во моментов има над 50.000 наслови, книги за возрасни и деца.
Ново на Сител
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат