Северна Кореја: Ќе продолжиме со ракетните проби на неделно ниво

Пјонгјанг ќе продолжи да спроведува ракетни проби и покрај осудата на меѓународната заедница и зголемувањето на воената тензија со САД, најави заменик-министерот за надворешни работи на Северна Кореја, Хан Сонг Рјол. 

- Ќе извршуваме уште ракетни проби, на неделно, месечно и годишно ниво, изјави тој за Би-Би-Си.

Хан предупреди дека би избувнала сеопфатна војна доколку САД „бидат доволно невнимателни и употребат воени средства“. 

Северна Кореја е подготвена да одговори на секој вид војна, која би била покрената од американска воена акција, изјави синоќа пратеникот на Пјонгјанг во Обединетите нации, по предупредувањето на американскиот претседател Доналд Трамп да не ја ставаат на тест одлучноста на САД.