Шапуриќ во Струмица: Ќе се засилува поддршката на домашните инвестиции
Министерот задолжен за регулатива за подобрување инвестициска клима за домашни претпријатија Зоран Шапуриќ, денеска за време на посетата на Струмица посети повеќе компании кои добија финасиска поддршка за инвестици во нова опрема и нови технологии, производни хали и друга производна инфраструктура, за подигнување на конкуретноста, истражување и развој и за вработувања на нови работници со плата повисока од 18.000 денари, согласно владините мерки за економски раст.
Шапуриќ притоа се запозна со плановите за развој на овие компании, но и со проблемите во нивното работење, соопшти прес-службата на Кабинетот на министерот.
Тој посети и неколку компании кои планираат од следната година да аплицираат за поддршка согласно Законот за финансиска поддршка на инвестиции и ги охрабри и сите компании да продолжат да инвестираат, бидејќи еден од главните столбови на економскиот раст е токму порастот на индустриското производство што е повисоко за повеќе од шест проценти во првата половина на оваа година во споредба со истиот период лани.
На средбите со менаџментот на повеќе струмички компании заеднички е констатирано дека забрзувањето на процесите на патот на Република Македонија кон полноправно членство кон Европската унија и НАТО, силно ќе влијае на економскиот раст, бидејќи ќе станеме дел од единствениот европски пазар од 520 милиони потрошувачи и многу позасилен и полесен пристап до европските финасиски фондови. Струмичките стопанственции како пример ја посочија соседната Бугарија каде по полноправното членство на Бугарија во ЕУ, голем број на бугарски компании со кои тие соработуваат доживеале интезивен раст.
Шапуриќ имаше средба и со градоначалникот Коста Јаневски, каде што беа сумирани резултатите од нивната досегашна заедничка активност на промоција и поддршка на струмичките компании, како и за идните активности заеднички да ги охрабрат струмичките компании да инвестираат и да ги користат владините мерки за финсиска подршка на инвестиции и за економски раст.
Јаневски го запозна Шапуриќ со активностите на општината во инфраструктурни проекти кои ќе влијаат на подобрување на бизнис климата во струмичкиот регион. Јаневски нагласи дека подршката на државата за намалување на долгови на општините ќе влијае за поефикасно работење на општините.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“