Шпан: Секој жител на Германија треба да прими засилувачка доза против Ковид-19
Секој жител на Германија треба да прими засилувачка доза вакцина против Ковид-19, одлучија регионалните министри за здравство на земјата во пресрет на четвртиот бран на пандемијата, објави „Гардијан”.
Сојузниот министер за здравство Јенс Шпан упати повик до сите граѓани да примат засилувачка доза.
Сепак, германската комисија за вакцини Стико сè уште ги препорачува „бустер” дозите само за лица на возраст над 70 години или за луѓе со здравствени проблеми кои се изложени на поголем ризик од тешка форма на ковид.
Одлуката е донесена откако Германија денеска објави 37.120 новозаразени во последните 24 часа – рекорден пораст втор ден по ред.
Министрите за здравство од 16-те германски провинции имаа дводневни разговори за тоа како да се справат со растечкиот тренд.
Баварскиот министер за здравство Клаус Холечек на прес-конференција рече дека „федералните држави се согласуваат дека секој што примил втора доза пред шест месеци или повеќе да може да добие и засилувачка доза”.
Ново на Сител
-
Владата бара итно мислење од Венециската комисија за предложениот модел на правосудниот испит
-
Англија ја заострува забраната за мобилни телефони во училиштата – нема да смеат да стојат ниту во ранците
-
За клиентите на „АЛТА банка“ од денес достапни електронското и мобилното банкарство
-
Кривична за 28-годишник од Такиџистан, доставил исправа со невистинита содржина со цел да го продолжи престојот
-
34-годишник се обидел да силува 22-годишна девојка во струмичко
-
Кривична за 38 годишен тетовец, оставил писмени закани кон деканот и останатите професори на факултетот
-
До крајот на годината „Безбеден град“ ќе казнува непрописно паркирање и запирање на булеварите
-
Дендијас: Западен Балкан е потенцијален извор на дестабилизација, Европа не смее да го занемари
