Шпанија го собори рекордот на Мундијалите во посед на топка

Репрезентацијата на Шпанија постави рекорд по посед на топка на натпреварите од Светското првенство.

Во вчерашниот натпревар од групната фаза на СП 2022 во Катар против репрезентацијата на Костарика (7:0), Шпанците имаа 81,7% од топката и го соборија рекордот на Аргентина, поставен на Светското првенство во 2010 година. Тогаш поседот на Аргентинците на натпреварот против Грција беше 80,3%.

Светското првенство во 2022 година се одржува во Катар, а ќе заврши на 18 декември.

Репрезентацијата на Шпанија игра во групата Е со Костарика, Германија и Јапонија.

Следниот натпревар Шпанците ќе го одиграат на 27 ноември против Германците во 20 часот по македонско време.