Шпанскиот Парламент му изгласа недоверба на премиерот на техничката Влада Mаријано Рахој
Мнозинството пратеници во шпанскиот Парламент му изгласаа недоверба на претседателот на техничката влада, Маријано Рахој, со што е оневозможено формирањето функционална влада и се продлабочи политичката криза во земјата, а воедно почна и одбројувањето до третите избори за само една година.
Француските медиуми пренесуваат дека, по вчерашната жолчна расправа во Парламентот, на Рахој, инаку лидер на конзервативната Народна партија (ПП), пратениците со 189 гласа „против“ му изгласаа недоверба наспроти 170-те кои беа „за“.
На сегашниот технички премиер му беше потребно апсолутно мнозинство од 176 гласа во 350-члениот парламент, но тој беше поддржан само од неговата партија, центристичкото движење „Сијудаданос“ и еден пратеник од Канарските острови, пренесува Танјуг.
Народната партија, која е на власт од 2011 година, на изборите во декември и јуни освои мнозинство од пратеничките места, но два пати остана без апсолутно мнозинство бидејќи гласачите, гневни заради корупција и строгото штедење, се свртеа кон новоформираните партиски опции.
Во Парламентот во петок ќе се одржи уште едно гласање за доверба, а на Рахој тогаш ќе му треба просто мнозинство, односно повеќе гласови во негова корист отколку против него, но и тогаш има мали шанси тој да успее во тоа, оценуваат француските медиуми.
Социјалистите, кои на изборите беа второпласирани, одбија да го поддржат Рахој, а нивниот лидер Педро Санчез во Парламентот кажа дека Рахој „нема кредибилитет“.
Доколку за два месеца не се формира новата влада, Парламентот повторно ќе биде распуштен, а Шпанците ќе бидат повикани на нови избори, на 25 декември, наведуваат американските медиуми.
Со оглед на цврстите ставови на партиите аналитичарите сметаат дека третите избори сега се најверојатното сценарио.
Ново на Сител
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа