Штип бара поддршка од воздух за гаснење на пожарите
Пожарникарите, хеликоптерите, припарниците на АРМ и Полицијата, како и на останатите институции од утринава се на терен за да го гасната пожарот на планината Серта на две критични точки, над селото Драгоево и на ридот Штракалево меѓу селото Драгоево и полигонот Пенуш, информираше денеска командирот на ТППЕ-Штип, Благој Ренџов по одржаниот координативен состанок во Општина Штип.
-На терен рано од сабајле е излезена војската, од 40 до 60 припадници на Армијата, од ТППЕ –Штип имаме излезено две возила, потоа една цистерна и еден џип. Состојбата се следи бидејќи на полигонот Пенуш е ризично да се дејствува имаме неиспукана муниција. Таму ја следиме состојбата и чекаме поддршка од воздух, вели Ренџов.
Тој потенцираше дека во зоната околу полигонот Пенуш е забрането за движење на населението, а дозвола имаат само војската и пожарникарите. Ренџов вели дека овој пожар може да се изгасне само со поддршка од воздух.
Градоначалникот на Општина Штип, Иван Јорданов по координативниот состанок со претставници на институциите за пожарите на планината Серта вели дека потребно е дејствување од воздух во штипскиот регион, бидејќи станува збор за непристапен терен.
МИА беше до селото Драгоево, ги затекнавме припадниците на Армијата, кои со камион се упатија кон ридот Штракалево, од селото не може да се види огнот, бидејќи е подлабоко во планината и низ доловите, но се гледаше и мирисаше на чад.
Ново на Сител
-
Законот за заем од Унгарија утре на седница на Комисијата за финансирање и буџет
-
Во Словенија падна првиот снег
-
Почина Илија Андонов Ченто, синот на Методија Андонов Ченто
-
Приведена скопјанка барана со потерница за казна затвор од две години
-
Во Франција осудени две жени за клевета бидејќи тврделе дека Брижит Макрон е транссексуалка
-
ОЈО ГОКК отвори предмет за финансиски криминал, претреси на повеќе локации
-
Тројца работници на Црвениот крст загинаа во руско гранатирање во источна Украина
-
Дурмиши- Казуја: Унапредување на билатералната соработка помеѓу Северна Македонија и Јапонија