Швеѓанец на клупата на Норвешка

Шведскиот тренер Ларс Лагербек е нов селектор на фудбалската репрезентација на Норвешка, соопшти Фудбалскиот сојуз на оваа земја.

Лагербек на селекторската функција го наследи Пер-Матијас Хегман кој поднесе оставка по лошиот старт во квалификациите за пласман на Светското првенство во Русија. Норвешка на четири натпревари освои само три бода.

 

Лагербек е докажан стручњак во скандинавските држави, успешни резултати бележеше со Шведска, а со Исланд беше најпријатното изненадување најпрвин во квалификациите за Европското првенство во Франција, а потоа и на самото првенство, кога успеа да стигне до четвртфиналето.