Силно невреме го погоди Сараево | ВИДЕО

Силно невреме го погоди главниот град на Босна и Херцеговина во попладневните часови. Некои улици во Сараево се поплавени, а интензивните врнежи беа проследени со силни грмежи.

Нешто пред 19 часот во Сараево почна големо невреме кое значително им го отежна движењето на пешаците, но и на автомобилите. Силниот дожд и грмежите траеја нешто повеќе од 20 минути.

Некои од градските улици се поплавени, а во еден момент, како што јавува порталот Кликс, почнал да паѓа и град.