Симовски: Барам сериозен пристап од ракометарките

Ракометарките на Вардар Јуниор утре и во петок ги играат двата натпревара од 3.коло од Челинџ купот. Младите „вардарки“ двата натпревара ќе ги играат на домашен терен со англиската екипа Лондон „Ејнџелс“. Тренерот на Вардар Јуниор и селектор на Македонија Симе Симовски на денешниот прес истакна:

- Немаме многу информации за противничката екипа. Во составот имаат Унгарки и по една ракометарка од Словачка и од Романија и теренерот им е од Унгарија. Затоа барам сериозен пристап од моите ракометарки. Имаме мотивација за добар натпревар. Треба да играме цврсто во одбраната и смирено во нападот. Не би сакал да сум фаворит, но се надевам дека ќе успееме да го минеме противникот.

Двата натпревара ќе се играат во Скопје, а капитенот Маја Трпковска истакна:

- Не треба да се потцени противникот и се надевам дека ќе ја продолжиме серијата победи што ги имаме на „домашен терен“.

Репрезентативката Теодора Ќерамитчиева од редовите на Вардар Јуниор изјави:

- Сега сме посигурни во себе. Резултатот треба да дојде само по себе и по наша добра игра.

Дуелите Вардар Јуниор – Лондон „Ејџелс“ се играат утре и задутре во СЦ „Јане Сандански“ и двата со почеток во 18 часот.