Скопски газда измамен за 2000 евра

Во Полициска станица Карпош, вчера во 13 часот М.А. (32) од Скопје пријавил дека на 13 јули во кафе бар лоциран на булевар "Партизански одреди" од страна на лицето Р.К. (56) од Скопје му била извршена измама од 123,000 денари. Имено пријавителот се договорил со лицето Р.К. за извршување на занаетчиски работи, односно поставување на алуминиумски прозори во објект, истиот го довел во заблуда и на пријавителот му наплатил 2,000 евра, како аванс за изработка и до 01 август требало да ги постави прозорите, но истиот ниту постапил по договореното, а ниту пак се јавува, како и избегнува да стапи во контакт.