Славниот Јутубер кој го навредил мексиканскиот нарко бос пронајден изрешетан со 15 куршуми во телото

Лагунас никогаш не го запознал својот татко. Мајка му го оставила со баба му кога бил дете. 

Кога имал 15 години, го напуштил својот роден град без да заврши средно училиште, и отишол во општината Кулиакан, каде со перење на автомобили заработувал за живот. Во овој град ќе го добие прекарот по кој подоцна ќе стане познат на сајберпросторот: "El Pirata de Culiacan" или "Пиратот од Кулиакан".

Почнал со поставување на снимки од тоа како се опива, а на 17 години веќе имал повеќе од милион фанови на Фејсбук и повеќе од 300.000 на Инстаграм.

Пуштил брада за да изгледа постаро и ги тетовирал рацете. Во Мексико алкохолот им е забранет на малолетници, но тој се опивал како да не постои утре.

Во една видео снимка го навредил нарко-босот Немесиј Очегера Сервантес, познат и по прекарот Ел Менчо.