Следната недела во Македонија ќе пристигне втората пратка на вакцини од Србија

Следната недела се очекува да пристигне втората пратка на вакцини кои ни ги донира Србија. Оваа информација вечерва ја потврди министерот за здравство, Венко Филипче во гостувањето на Сител.

- Денеска разговаравме со цел како да го направиме нашиот план и распоред. Дали да планираме 2.000 лица кои што треба да се вакцинираат, и другите за секој случај да ги зачуваме. Меѓутоа, денеска укажаа на тоа дека веќе следната недела и останатата количина ќе пристигне во нашата земја. Ќе бидеме една од ретките земји, 4.000 вакцини за 4.000 здравствени работници кои што директно работат со Ковид и тоа го покажаа анализите и претходно, рече Филипче.

Македонија од Србија доби само 4.680 дози од планираните 8.000 вакцини.