Словенечката Влада синоќа и официјално прогласи епидемија на коронавирус
Словенечката Влада доцна синоќа и официјално прогласи епидемија на коронавирус на целата територија на земјата, што ќе трае 30 дена, почнувајќи од денеска.
Ова значи дека националниот план за заштита и спасување е активиран, но не се објавени дополнителни ограничувачки мерки, пренесе словенечката СТА.
Според агенцијата, во согласност со регулативата за 30-дневната епидемија, донесена врз основа на законот за заразни болести, во земјата ќе се применуваат истите мерки како и досега.
Владиниот портпарол, Јелко Кацин, изјави за РТВ Словенија дека нема да има промени во врска со вработените, студентите и другите, освен што се повикуваат сите работодавци да организираат работа од дома, ако е можно.
Тој додаде дека владата во овој момент не гледа потреба да се затворат трговските центри.
-Накратко, сакаме што повеќе субјекти да работат, но мора да има некои самоограничувања и дисциплина, рече Кацин.
Министерката за образование Симона Кустец на Твитер напиша дека планот за работа на училиштата не е променет, што значи дека студентите и учениците од шесто одделение во основните училишта ќе преминат на учење од дома, како што беше објавено на почетокот на минатата недела, додека останатите и денеска ќе одат на училиште.
Премиерот на Словенија, Јанез Јанса, претходно на Твитер соопшти дека епидемијата ќе биде прогласена на територија на цела Словенија и дека ќе трае 30 дена, почнувајќи од денеска.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување