Со породилни болки Елена од Брест пешачела три часа на -20 и 40 сантиметри снег
Елена и Миле Здравевски од селото Брест преживеале вистинска драма. Храбрата Елена за да го роди своето трето дете, кога добила породилни болки, пешачела на снег од 40 сантиметри, на температура од -20
– Утрото на 9 јануари никогаш нема да го заборавам. Во раните утрински часови мојата сопруга наеднаш доби силни породилни болки. Се најдовме пред сериозно искушение како да стигнеме до најблиската болница. Висок снег со многу наноси, минусни температури и патна делница од седум километри требаше да се совладаат од нашето село до селото Самоков. Одлучивме да тргнеме пеш, бидејќи немаше друго решение. Јас одев напред за да го пробијам снегот, а по моите стапки одеше сопругата. И така повеќе од три часа – раскажува за подвигот Миле Здравески од селото Брест, татко на две деца, а сега и на трето за Нова Македонија.
Парот го чекал амбулантно возило во селото Самоков.
– Патувањето помина во крајна тишина, се слушаше само крцкањето на снегот и отежнатото дишење на мојата сопруга. Повремено запиравме за таа да се одмори, но студот не дозволуваше подолги паузи. Ми се чинеше како цела вечност. Сепак, успеавме да стигнеме во Самоков каде што нѐ чекаше амбулантно возило што нѐ превезе до кичевската болница. Нашите стравувања конечно завршија – вели Миле за Нова Македонија.
За среќа, и покрај драмата, храбрата Елена на свет донела здраво женско бебенце.
Ново на Сител
-
Започнува Генералното собрание на ОН, Сиљановска Давкова ќе учествува на Годишниот состанок на Платформата на жени – лидери
-
„Јутјуб“ воведува реклами на паузирано видео
-
САД: Жртва на киднапирање се спои со семејството по 70 години
-
Новата сезона во АБА 2 стартува утре со три македонски екипи
-
Менди го продолжи договорот со Реал
-
Верстапен: Второто место е добро достигнување
-
Шолц: Германија нема да ги отстрани ограничувањата на Украина за оружјето со долг дострел за гаѓање цели во Русија
-
Земјотрес и цунами во Јапонија