Собранието го изгласа законот за попис
Со 62 гласа за, и со бадентерово мнозинство Собранието го донесе законот за попис по една недела откако заврши расправата по него. За законот гласаа пратеници од коалицијата на СДСМ, ДУИ и од опозициските Алтернатива и Алијанса на Албанците.
Пред чинот на гласање во процедурални забелешки опозицијата ги искажа своите ставови. Од ВМРО-ДПМНЕ реагираа дека со овој закон пописот ќе биде политичка наместо статистичка операција, дека се сомневаат во предвремено договорање на пописните резултати меѓу коалициските СДСМ и ДУИ, а доказ за тоа е недовербата меѓу нив која била преместена помеѓу врзаните потписи што треба да ги имаат директорот на Државниот завод за статистика и заменикот кој е Албанец.
Според законот, пописот треба да се спроведе во првите три недели од април. Ќе го спроведуваат попишувачи под контрола на Државниот завод за статистика, а ќе бидат користени и државни бази на податоци за граѓаните. Оние кои нема да бидат затекнати за време на попишувањето ќе можат да бидат попишани од нивни блиски или комшии со давање единствено на матичен број. Државјаните надвор од државата пак, ќе може да се попишат преку електронска пописница.
Катерина Нешкова
Ново на Сител
-
Нa Табановце и Богородица за излез од земјава се чека 30 минути
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари