Сообраќајот по влажни коловози, врнежи од снег на Шапка

 Сообраќајот на државните патишта се одвива непречено, по наместа влажни коловози. Снег со слаб интензитет провејува на Попова Шапка кој во моментов не се задржува на коловозот, информираат утринава од АМСМ.

Како што информираат од АМСМ, интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

- Од 15.11.2022 година започнува законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2023 година. Повеќе информации може да прочитате на овој линк, потсетува АМСМ.