Состанок на заедничкиот управен комитет за Рамката за развојна соработка со ОН
Заедничкиот управен комитет за Партнерство за одржлив развој: Стратегија на ОН за 2016-2020, што претставува стратешка програмска рамка која го опфаќа колективниот придонес на системот на ОН за реализирање на националните развојни приоритети денеска одржа втор состанок во Министерството за надворешни работи на Република Македонија.
Како што информираат од МНР, со ова тело копретседаваат министерот Никола Димитров и резидентниот координатор на ОН во Република Македонија, Луиза Винтон. Од страна на Владата на Република Македонија во ова тело членуваат и министерот за труд и социјална политика Мила Царовска и министерот за животна средина и просторно планирање Садула Дураки.
Улогата на Заедничкиот управен комитет е да го води и надгледува процесот на подготовка и имплементација на Стратегијата.
На состанокот, се вели во соопштението, биле дискутирани реализираните активности во 2016 и плановите за 2017 и 2018 кои се групирани во пет приоритетни области вработување, добро владеење, социјална инклузија, одржлива животна средина и родова еднаквост. Активностите ги адресираат тековните развојни предизвици на земјата што се тесно поврзани и структурирани околу евроинтегративниот процес и поврзани со глобалните Цели за одржлив развој.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг