Советниците на ВМРО – ДПМНЕ не гласаа за извештајот за извршување на буџетот на Ново Село
Советниците од ВМРО – ДПМНЕ не гласаа за усвојување на кварталниот извештај за извршување на буџетот на општина Ново Село за периодот од 1 јануари до 30 септември годинава.
Причина за тоа е што бројот на членови во Советот на општина Ново Село сега е еднаков, односно и СДСМ и ВМРО – ДПМНЕ имаат по седум советници.
Иако владејачката партија имаше мнозинство во Советот на оваа општина, по именувањето на советникот Горан Цветков за заменик градоначалник и откако поранешниот градоначалник Боро Стојчев поднесе оставка и се наоѓа на издржување затворска казна од 6 месеци, дојде до израмнување на советничките гласови.
Според претседателката на Советот на општина Ново Село, Валентина Попова, советничката група на ВМРО – ДПМНЕ не гласала и за прераспоредување на средства од буџетот на општината.
-Тие не гласаа и не дадоа образложение за нивната одлука. Сакам да додадам дека тие се ставија и над законите со тоа што не гласаа за измени и дополнување на статутот на Детската градинка „Сонце“ во Ново Село, иако знаат дека статутот се донесува врз основа на закон, рече претседателката на Советот, Валентина Попова.
Додаде дека опозициските советници не гласале и за други точки од дневниот ред, а единствено гласале за Програмата за зимско одржување на улици и патишта, како и за доделување помош на граѓани кои го побарале тоа од Советот на општината.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците