Советот на општина Пустец ги отфрли амандманите за постоење Бугари во Албанија
Советот на општина Пустец, на денешната седница, со која раководеше претседателката Ирена Василовска, донесе едногласна одлука за отфрлање и не прифаќање на делот од прогрес-извештајот за интеграција на Албанија во Европската унија, каде се споменува и се бара признавање на „бугарско“ малцинство и тоа во региони во кои што живеат Македонци.
- Не само во регионите Мала Преспа, Гора и Голо Брдо, туку и на териоријата на цела Албанија, ниту живееле ниту живеат Бугари. Тие се Македоци и ништо друго. Тоа е голема невистина, рече Василовска.
Меѓу другото, во одлуката на Советот на општина Пустец, стои и податокот дека и на последниот попис од 2011 година што беше одржан во Албанија, во општина Пустец окулу 3.500 постојани жители се декларираа како Македонци и ниту еден како Бугарин.
На седницата присуствуваше и градоначалникот Едмонд Темелко.
- Не треба да Ви кажувам ни Вам ни на никого во Албанија, зашто сите добро знаете, дека малцинството што живее во овие простори и во цела Албанија е македонско, кое е официјално признато во Преспа, иако не и во регионот на Голо Брдо и Гора. Македонците во Албанија не се Бугари и напорите за признавање на непостоечко бугарско малцинство во Албанија го сметаме како фалсификат на историјата и на вистината, рече Темелко.
Тој додаде дека во Албанија живее македонско, грчко, српско-црногорско, влашко, ромско, бошњачко и ромско-египќанско малцинство, но не и бугарско.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција