СПМ за извештаите на Светска банка и Фридом хаус
Лажните фалби на владите на Заев и Ковачевски за растот на стандардот и платите на граѓаните се распрснаа пред суровата реалност на бројките. Граѓаните се осиромашени и незадоволни заради високата инфлација и изразената несигурност која е секаде присутна, во сите сфери на работа и живеење. Тоа влијае на иселувањето на граѓаните кои не се задоволни од актуелната власт и во очај си одат од државата.
Македонија заради промашените политики на власта заостанува во растот и развојот, има најнизок економски раст во регионот што не ветува иднина за подобар живот.
Власта на СДС и ДУИ бара да продолжи да владее со криминалот и корупцијата што е согледан и оценет негативно и од Светска банка, заедно со сите негативни прогнози кои се дадени и кои само го потврдуваат лошото владеење на оваа клептоманска гарнитура на власт.
Социјалистичката партија на Македонија истакнува дека мора да се запрат овие негативни политики и претставници на власта и на престојните избори да бидат избрани предложените кадри од Коалицијата „Твоја Македонија“ кои единствено знаат како да ги изменат негативностите на системот за да се испорача повисок раст и развој.
Социјалистичката партија на Македонија оценува дека Извештајот на Фридом хаус ги потврди состојбите на кои опозицијата подолго време укажува за падот на државата во однос на демократијата и слободите и правата на граѓаните.
Оценката од Извештајот за потфрлање на институциите во практикувањето на нивните надлежности упатува на лошото менаџирање, сè во интерес на кадрите на СДС и ДУИ. Власта е преокупирана со сокривање на криминалот и корупцијата, како и со можноста за спречување на одговорноста за направените злодела.
Укажувањето дека Македонија е „цикличен хибрид“ во однос на корупцијата е всушност моделот во кој власта и елитите оневозможуваат да се донесат клучни промени односно реформи во системот.
Власта на СДС и ДУИ влијаела Македонија да назадува во демократијата и со тоа се оддалечува од критериумите кои се поставени за евроинтеграцијата, односно главен кочничар на тој процес е власта.
Намалувањето на рејтингот на судската влат, назначувањето на судии и обвнители ги зацврствува перцепциите на јавноста за непотизам и привилегии во судството, што ја оддалечува државата од европскиот пат.
Социјалистичката партија на Македонија истакнува дека власта која назадува во демократијата, во првата и слободите на граѓаните, која ја кочи државата, мора да си оди, на изборите да биде поразена и на долг рок политички делегитимирана.
СПМ
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот