Спор меѓу Земан и чешкиот министер за култура поради Далај Лама
Денешниот ден, кога се прославува создавањето на Чехословачка во 1918 година, Чешка го одбележува во најнапната атмосфера досега, јави дописникот на МИА од Прага.
Државниот празник, минува во сенка на големиот спор, во кој се споменува претседателот на државата Милош Земан и неговото наводно откажување да му додели државно признание на Јиржи Бради, познат публицист, кој преживувајќи ги концентрационите логори во Терезин и Аушвиц, целиот свој живот го посветил на пишувања и предавања за ужасите на Холокаустот.
Наградата, за која Бради тврди дека му била најавена од Кабинетот, нема да му биде доделена, наводно поради тоа што неговиот внук, актуелниот чешки министер за култура Даниел Херман се сретнал со тибетскиот духовен лидер Далај Лама при неговата посета на Чешка.
Изјавата на Херман дека претседателот на државата Милош Земан лично го повикал да ја откаже средбата со тибетскиот лидер и во спротивно му се заканил дека на неговиот чичко Јиржи Бради нема да му го даде планираното одликување, предизвика лавина од незадоволство на истакнати политичари и јавни личности.
Покрај официјалната церемонија на која вечерва претседателот Земан ќе ги додели државните награди, закажана е паралелна прослава на Стариот плоштад во главниот ќешки град, на која присуство најавија актуелни политичари и личности од јавниот живот.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата