Спречен шверц на стоматолошка опрема, цигари, икони и поголема количина шафран и маџун
Спречени обиди за криумчарење на икони, цигари, стоматолошка опрема, 100 тегли маџун и 5 килограми зачин шафран чија цена е 1.500 евра од килограм, што во различни случаи лица се обиделе нелегално да ги внесат во државата.
На граничниот премин Богородица царинските службеници спречија обид за нелегално внесување на црковни предмети меѓу кои и 51 икона, свеќници, нараквици со монистри како и 260 килограми темјан, со проценета вредност од 140 илјади денари, при што е избегнато плаќање на царински давачки од 50 илјади денари. Црковните предмети се пронајдени во камион со регистарски таблички од Босна и Херцеговина, управуван од босански државјанин, кој транзитирал преку нашата држава од Република Грција кон Република Хрватска и превезувал спортска опрема. Непријавените црковни предмети се пронајдени во товарниот дел на приколката помеѓу декларираната стока.
Во друг случај на граничниот премин Меџитлија, царинските службеници спречија два одделни обиди за нелегално внесување на непријавени цигари во државата. Во двата случаи се откриени вкупно 28 штеки со цигари во две товарни моторни возила со македонски регистарски таблички и управувани од македонски дравјани, од ист превозник. И двата камиони биле натоварени со кварцен камен – стока наменета за транзит. Во двата случаи штеките со цигари се пронајдени скриени во кабините на возачите, во просторот на горниот кревет, покриени со јакни и лични предмети.
На влез на Деве Баир пак при контрола на патничко моторно возило со косовски регистраски таблички во багажот на возилото се откриени 100 тегли маџун коишто патниците не ги пријавиле.
При контрола на возило на царинска испостава Делчево е пронајдена и стоматолошка опрема која возачот ја скрил во џебовите од јакната и во пределот зад предните седишта кои биле скриени во мали кеси и кутии спакувани во книжна кеса со облека.
Во еден случај се запленети и 5 килограми сув кршен шафран ,,KIAM GOHAR” коишто царинските службеници на влез на Табановце ги открија при контрола на товарно моторно возило со македонски регистарски таблички. Шафранот е откриен околу предните седишта, каде бил скриен во хартиени кеси.
Стоката во сите случаи е запленета, а против лицата се поднесени соодветни пријави.
Царинска управа
Ново на Сител
-
Обвинувањата за проблемите со јавниот превоз и нечистотијата продолжуваат, можно решение скопјани ќе чекаат на седница на Совет
-
Американските демократи официјално потврдија дека Камала Харис ја добива партиската кандидатура за претседателските избори
-
Брег на Слоновата Коска: Потврдени 28 случаи на мпокс, еден починат
-
Таравари и претставници на Комисијата за позитивна листа ќе ги претстават новододадените лекови
-
Украина изврши голем напад со беспилотни летала врз Москва, објави градоначалникот на рускиот главен град
-
Сообраќајот тековно, зголемена фреквенција на ГП Табановце
-
Без струја повеќе населени места во Скопје
-
Попладне услови за краткотраен пороен дожд