Србите го доведуваат во прашање одигрувањето на дуелот со Албанија, домаќините им ја гарантираат безбедноста

Претседателот на Фудбалскиот сојуз на Србија, Томислав Караџиќ остро реагираше на вчерашниот инцидент во Тирана каде беше каменуван автобусот што ги пренесуваше српските фудбалери од аеродромот до хотелот.

Караџиќ за српските медиуми изјави дека сите репрезентативци се добро и дека нема повредени, но потенцира дека по ваквиот инцидент доведено е и одигрувањето на натпреварот.

На самото место пристигнал и првиот човек на полицијата во Тирана кој на српските претставници им дал гаранција дека такво нешто нема да се повтори.

Репрезентацијата на Србија денеска од Тирана треба да замине за Елбасан, град оддалечен 50 километри, каде вечер од 20:45 часот ќе го игра натпреварот со Албанија во квалификациите за ЕП 2016