Средба на министерот за правда Аднан Јашари со амбасадорите Бејли и Орав

Министерот за правда Аднан Јашари денеска имаше заедничка средба со амбасадорот на САД во Македонија Џес Бејли и амбасадорот на ЕУ во земјава  Аиво Орав.

На  средбата, како што соопшти Министерството за правда, министерот Јашари и амбасадорите Бејли и Орав дискутирале за општата политичка состојба во земјава, како и за последниот извештај на Венецијанската комисија, кој се однесува на Законот за приватност и Законот за заштита на укажувачите, кои произлегуваат од договорот меѓу четирите политички партии.

Дел од разговорот бил и Избирачкиот законик и вкрстеното разгледување на податоците од ДИК за идентификација на фиктивните гласачи.