Сталоне го продава своето лусузно живеалиште во Калифорнија, цена: 3,35 милиони долари
Силвестер Сталоне го продава своето живеалиште во Ла Квинта, Калифорнија, САД, за 3,35 милиони долари. Тоа е за околу 1,15 милиони долари помалку од она што тој го плати за тоа пред повеќе од 10 години.
Вилата во медитерански и тоскански стил има внатрешен простор од 4.889 квадратни метри, четири спални соби и пет бањи. Двокатниот дом, изграден 2008 година, нуди и пространа дневна соба со тавани со двојна висина и камин од камен, трпезарија со тераса, кујна со дрвени ормани, средиштен дел од дрво и камен, сала за појадок и просторија за вино, според описот на Џош Риф од Даглас Елиман, објавен при огласот за продажба.
Агентот за недвижнини, Риф рече дека г-н Сталоне и неговото семејство го користеле домот за одмор од градскиот метеж, и оти имотот е добро одржуван.
Сталоне (73), глумец, сценарист, режисер и сликар, го купи имотот во 2010 година за 4,5 милиони долари. Тој потоа, прво го огласи имотот за 4,2 милиони долари во 2014 година. Оттогаш, домот беше на и вон пазарот наизменично, по различни цени со промените на условите на пазарот, за да стигне до сегашната цена.
Ново на Сител
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција