Стапи во сила првиот Договор меѓу Ватикан и Палестина

Првиот Договор меѓу Ватикан и Палестина, кој Израел го нападна како контрапродуктивен за мировниот процес на Блискиот Исток, денеска стапи во сила, соопшти Светата столица.

Двете страни меѓусебно се известија дека се исполнети процедуралните услови за стапување во сила на „сеопфатниот договор“, кој беше потпишан на 26 јуни 2015 година.

- Договорот ги опфаќа клучните апсекти на постоењето и актвностите на Католичката црква во Палестина, а истовремено повторно ја потврдува поддршката за преговарачкиот процес и мирното решение на конфликтите во регионот, се наведува во соопштението од Ватикан.

Договорот е потпишан две години откако Ватикан ја призна Палестина како суверена држава.

Договорот содржи одредби за заштита на правата на христијаните како модел за другите арапски и муслимански земји. На поширок план договорот се смета како симбол на растечката меѓународна поддршка за палестинска држава.

Израел оцени дека договорот е постигнат прерано и оти е контрапродуктивен за продолжување на директните преговори.