Стартна победа на младите македонски кошаркари

Јуниорската репрезентација на макеоднија со победа го започна својот настап во Б дивизијата на Европското првенство за играчи до 20 години, чиј домаќин е Унгарија.

 

Во првиот меч од Ц групата „црвено-жолтите“ славеа победа над Белорусија со 77-72), 

 

Капитенот Андреј Магдевски го потврди епитетот лидер на националниот тим и тоа со „дабл-дабл„ ефект со 20 поени, 13 асистенции и седум скока, одлична партија прикажа кошаркарот на Карпош Соколи, Филип Бакоч, со учинок од 15 поени и 9 скока додека на ниво на задачата беше и центарот Љубомир Младеновски со 13 поени и 8 скока.

 

Во 2.коло кое на програмата е задутре (сабота) Македонија за противник ќе ја има  Ерменија во меч кој ќе започне од 13.30 часот. 

 

Прелиминарната фаза, од која најдобрите два тима одат понатаму, ја завршуваме в недела против Швајцарија (20.15 часот).