Стипендии од Општина Центар за седум ученици од социјално загрозени семејства
Општина Центар оваа учебна година додели седум стипендии од по 3.000 денари месечно, на ученици од секое од седумте основни училишта на нејзина територија, кои се од социјално загрозени семејства.
Општината наведува дека оваа година првпат доделува и ваков тип стипендии, ценејќи ја и наградувајќи ја посветената работа на учениците, нивниот талент и помаѓајќи им финансиски бидејќи живеат во социјално загрозени семејства.
- Од 4.000 ученици во седумте општински основни училишта, според определените критериуми, беа избрани седум ученици кои досега покажале солиден успех во учењето, кои се истакнуваат по одредени предмети и доаѓаат од социјално загрозени семејства. Учениците беа избрани од посебна комисија која ги ценеше резултатите и состојбата во која што живеат децата, односно дали живеат со самохран родител, во семејство со родители со попречености, дали живеат во старателско семејство, дали се станбено необезбедени или дали станува збор за раселени лица, информира Општина Центар.
Ново на Сител
-
Алтернатива: Орхан Муртезани е кандидат за министер за европски прашања
-
Малолетник натепан од свои врсници во Аеродром - Еден снимал, другите физичките го нападнале
-
Претседателката Сиљановска-Давкова на отворањето на Самитот за мир во Украина
-
Недела неработен ден за верниците од муслиманска вероисповед
-
Руски воен авион го наруши шведскиот воздушен простор
-
Истрага за двојното убиство во Кратово
-
Поглаварот на ИВЗ, Шаќир Фетаи упати честитка по повод Курбан Бајрам
-
Скопјанец осомничен за разбојништво во банка