Стојаноска: Заев, за кој дел од здравството тргувал со контроверзниот бизнисмен Гафур од Либија?

Зоран Заев и понатаму се обидува да распродаде се’ што е профитабилно во здравството.

Ги извртува информациите објавени во медиумите во Албанија, дека се сретнал со контроверзниот бизнисмен Али Гафур од Либија. Албанските медиуми објавија дека Заев остварувал тајни средби со контроверзен бизнисмен, со цел да му понуди продажба на дел од здравствениот систем во Македонија, а за тоа да му бидат платени милиони евра народни пари.

Медиумите во Албанија се јасни, но Заев е конфузен. Но на сите им е јасно дека – кога Заев е во прашање има лаги, корупција, има следење, и тоа само за личен интерес.

Граѓаните се сеќаваат дека Заев и Филипче не така одамна говореа за еден вид на распродажба на јавното здравство и истото го претставуваа како јавно приватно партнерство. Сакаа да ја приватизираат Итната медицинска помош, лабораториите, ин витро процедурата, Јавните здравствени установи и се’ друго што може да биде профитабилно од здравствениот систем.

Како јавно приватно партнерство ја претставуваа и детската кардиохирургија, но проектот се покажа како неуспешен. И се’ што сакаа да продадат од здравството, го нарекуваа јавно приватно партнерство.

Заев, наместо да лаже, треба да одговори која била темата на разговор со контроверзниот бизнисмен Али Гафур кој е под истрага за перење пари и корупција во Малта.

Што сакал Заев да му продаде од здравството на бизнисменот Али Гафур?

И, бидејќи е јасно дека кога Заев преговара бизнисот оди кај него и брат му, сега се поставува прашањето колку од тој здравствен бизнис бил за фирмите на Заеви?

Заев е олицетворение на сомнителни бизниси со контроверзни бизнисмени.

На сето ова ќе се стави крај на 12-ти април.